انا أكره المعدلات في الابتدائي

الاستهتار مرده أن المدرسة اصبحت مجرد حضانة و كل هذا مجرد تظاهر بالدراسة.عندما نحذف المعدلات ساعتها سيدرس الطفل من أجل التعلم.صحيح أن صنعة المعلم صعبة جدا و لكن لا أرى أن المعدلات نفعتنا بشيء ، و خاصة أن الأولياء أصبحوا يدرسون مكان أبنائهم بحثا عن وهم نجاح.من نقاط قوة الاطفال أنهم يستطيعون التاقلم مع مختلف الظروف و التدرب على اي وضعية و ما يحصل أن الأولياء أصبحوا يحرمون أبناءهم من خوض تجربة الحياة .

علا هذاكا انا كرهت المعدلات خاطرني 

 ماريت حتى فائدة منها ، 17,37 و تبكي على 0.70 يا رسول الله ، راهي المفروض التشكيلية و الموسيقية و التكنولوجية تصبح نوادي و لا يتم إسناد اي عدد لها و المفروض بقية المواد تكون على 10.هذا ما يناسب تلميذا مازال في بداية التعلم.توة اي واحد يقلي كي الولي يقول لطفل صغير لازمك تجيب 18 و الا نتغشش عليك حسب رايكم الصغير باش يتحسن في القراية باش يقول يلزمني نحسن خطي و نخدم تمارين الحساب و نفهم دروسي باش نكون متميز.الصغير ما يفكرش هكة بالنسبة ليه يقرا خاطر مماتو تحب معدل باهي.لا يستفيد الكثير و لا يتعلم اصلاح أخطائه و لا يتعلم كيف يدرس و لا كيف يتقدم خطوة خطوة.راهي المدرسة 6 سنوات يعني الصغير عندو طريق فيه مراحل يتعلم بالشوية بالشوية و يتحسن بالمراحل ، اذا وصل ل 18 منذ السنة الأولى وين باش يوصل مبعد ، بالطبيعة باش يقول يلزمني 19 مبعد و مبعدها 20.في حين أن الدروس و التمارين تختلف و تصبح أكثر تشعبا من سنة لأخرى و 19 في إيقاظ السنة الاولى تولي 15 في إيقاظ السنة الثالثة.اما الي الصاير كون الولي يجي يقلي شبيه ولدي كان ذكي في السنة الاولى شبيه توة.في حين لا علاقة بالذكاء.ففي السنة الاولى تمارين آلية بسيطة و في السنة الثالثة يجب على الطفل التفكير قبل الإجابة.لو فقط تتحملون بعض الدموع و الالم خلال هذه السنوات 6 الاولى لاطمأننتم على اولادكم بقية الحياة لكنكم تغشونهم و تغشون انفسكم.