صندوق مساعدة المدرسة

الي يدفع في 500 اكثر او اقل المدرسة الخاصة زعمة لو تعملو صندوق مساعدة للمدرسة و تحطوا فيه كل شهر 100د فقط الن يتغير وجه المدرسة ، و لا يتدخل فيه احد الا الأولياء انتم تصرفو و اشتروا المعدات و قومو بالاشغال كل احد ، بعد بعض الأشهر الماضية يتغير وجه المدرسة ، الن تجد ملعبا و قاعة رياضة و مسرح و موسيقى و غيرها.

انا اظن لو كل مدرسة يجتمع اولياؤها و ينشؤون جمعية تحسين المدرسة و يبادرون فلن يمانع أحد.صحيح التيار ذاهب في اتجاه الخوصصة لكني اكرر خصصوا 50 فقط لهذا الصندوق و سترون النتيجة. و موش لازم كان الفلوس ثمة شكون ينجم يعاون بالسلعة أو الآلات أو الدهن أو طاولات أو كراسي أو غيرها ، وفروا لاولادكم مدرسة يحلو فيها الوقت ، حتى يتعلموا منكم و يحافظوا عليها لأبنائهم.

انساو المعلمين و انساو الايتيد ، تحبوا مدرسة لائقة تتعاونوا و تشوفوا اش تنجموا تعملوا و تولي هذي عادة باهية كل نهار أحد ساعتين ثلاثة مع اولادكم تحضرولهم حتى بطحة صغيرة مسطرة بشوية دهن ابيض و شبكة متاع صيادة تتحط شبكة اهداف منها اولادكم يتفرهدوا و منها تعديوا وقت حلو معاهم و منها العائلة تتلم . اما حكاية الايتيد سهلة كان انتي ضدو قاطعوا و فسر لولدك انو اخدم و اقرى عادي و موش لازم تمشي حافظ الدرس بالمسبق و كان حسيت بالظلم و التمييز مالمعلم اتكلم.ياخي هاكم تشكيو على كل شي جات كان على هاذي . اما الصراحة تحبوا اعداد منفوخة و تحبو حضانة لاولادكم.في عوض تطالبوا وزارتي التربية و الشباب و الطفولة باش يتحملو مسؤولية الصغار الي تخرج مالمدرسة للشارع و توفر عالقليلة قاعة للترفيه في كل مدرسة و تعرف انو الطفولة موش اقرى و احفظ فقط الطفولة لعب و فرح و الصغير كي يلعب و يطيح و يتجرح و يفرح و يبكي يتعلم اكثر من درس في القسم . اقعدوا اتفرجوا و كي تحس ولدك كره القراية خاطر خانقتوا حطوا كل شي على رأس المعلم و انتوما فرايجية .