أي مستقبل نريده لاطفالنا؟

عن أي مستقبل تتحدثون ، بتمارين اربط بسهم و عمر الفراغات ، بالدروس الي تحفظو فيها لاولادكم في الديار باش يجي قاري الدرس قبل ما يقراه في القسم ، ويعود قالق و فادد في الحصة خاطرو يعاود في الدرس الي قراه في الدار و يبدأ يشوش و يلعب .المستقبل يحتاج انضباطا و حبا للتعلم ، يحتاج القدرة على التعامل مع الناس موش كيما نرى توة كل تلميذ عندو 50 ستيلو ، و لا مركز لا في درس لا خط لا في سؤال ، ما يعرف كان امي قتلي تضيع ستيلو تاكل طريحة ، الي يعديه في القسم يعس على ستيلواتو و يحسب فيهم و يعس على دبشو و يعس على الكرتابة طاحتلي و يركح فيها و يعس على الخط الفاصل باش زميلو ما يتعداش عليه.رديتو اولادكم عبيد لكمشة ادوات مدرسية و للعدد الذي لا يعكس أي نجاح أو فشل.و في الدنيا ثمة حاجات أخرى تحب ولدك ينجح في حياتو.انا لن احب اطفالكم اكثر منكم ، إن أردتم أن تغشوهم و تزينو الواقع لهم و تمنعوهم من أن يكونوا شخصياتهم أو يختارو أصدقاءهم أو يتعلموا نقد و اصلاح أنفسهم و العديد من المهارات، انتم تعيشون مكان ابنائكم و تحرمونهم من التمتع بالطفولة و تمنعونهم من السقوط و الشعور بالألم و تعلم النهوض و المحاولة مرارا و تكرارا لبلوغ النجاح.انتم توهمونهم أن النجاح يكون بالملابس و عدد الأفلام الغالية و المظاهر الكذابة و تجعلون الطفل حبيس قفص صغير من الأوهام و الأحكام المسبقة.سترون النتيجة بأم الأعين عاجلا أو آجلا .