اشريو كيما قالت ولية الكتب فقط و كراتب عمناول تتغسل و تتنظف مع سطوش فيه أربعة ستيلوات و باكو اقلام ملونة صغيرة و باكو ادوات هندسة و قلم رصاص و باكو اقلام لبدية و الكراسات خليهم لبعد الدخول.انا ديما ننصح التلامذة باش ياخذو كراسات 72 واحدة لكل مادة باش كي يراجعوا يلقاو التمارين الي خدموها من اول العام.ما تشريوش هاك الكراسات ب 24 و لا باكو الطلاسة انا تلامذتي يجيبو طرف من سفنجة الكوجينة هكة كان ضاعت ما يقعدش ربع ساعة وهو يبكي و يلوح على هاك الطلاسة المضخمة و يقعد درج ينظف في للا اللوحة و ساعات نرى صغار يكتفون يديهم خاطر شراو لوحات ما تكتب كان بالستيلو مالوجه و مالقفا و سي الستيلو يوف في جمعة .احسبو حسابكم نهار الي يوف الستيلو باش يقلب لوحتو و يكتب بالطباشير و الي يقلي ولدي عندو حساسية مالطباشير نقلو اذا عندو حساسية المفروض ما يدخلش جملة لقسم فيه طباشير جملة.شوية نظافة و رتبة و إن شاء الله ما يتقلق حد مالصغيرات.
الحساسية تجي مالاستعمال المفرط اما مرحلة اللوحة و الطباشير اكثر من مهمة لأنها تساعد الطفل على تحسين خطه و حتى لو تعلم الخط في السنة الأولى فالتخلي عن اللوحة و الطباشير بجعل خط الطفل يسوء في باقي السنوات
لا يتحسن.
Aucun commentaire:
Enregistrer un commentaire