اراء و تعاليق

 علاش في عوض اننا نعوجو التلميذ باش يتناسب مع مواد لا تعنيه نعدلو المواد المقدمة بحيث تناسب اهتمامات التلميذ و اما عن الثقافة الجغرافية و التاريخية و غيرها يجب ان تكون في شكل نواد يتحصل كل من يحضرها على اعداد اضافية ، هذا سيشجع التلاميذ على حضور النوادي و يحسن ثقافتهم و يعفيهم من اهدار ساعات حضور جالسين امام استاذ لا يبالون بما يقوله.
هانا نعملو فيه هالاحترام المتبادل عل الاخر و كي الصغير ما يخدمش نحترموه و نقولو ما تتقلقش جملة المرة الجاية اخدم و اتهنى على العدد اكيد باش تنجح باش احنا ما يتهجمش علينا ولي يزرقلنا عين و يكسرلنا يد ، و الصغير الي تحت 10 سنين ما عندوش حافز باش يقرا كان الخوف
من بوه و امو ، الخوف و الكبس موجود اما الي صاير انو الصغير ولى تاعب في الدروس الخصوصية و خايف من والديه و ولى يرتاح مالقراية في القسم و يمشيلو باش يشوش و يلعب و يتفرهد و هو عارف الي المعلم ماعادش يكلمو عل القراية و ما يعيطش عليه و ما يقلوش حتى تبع السبورة خاطر امو تجي تمرمد المعلم تقلو كيفاش تعيط على ولدي مشاعرو تمست ، كيفاش تحبو الصغير يتعلم و يكبر كيما يطيحش و يبكي و يتوجع ، في عوض يتعلم في المدرسة ، هانا ندللو فيه و نحميو فيه من كل شي و مبعد تلقاو عندكم صغير غير قادر على التعامل مع الحياة ، لا يتحمل الفشل المدرسي و احيانا ينتحر عند الفشل في الباكالوريا لانها كانت اول فشل في حياته و اول مواجهة له مع تحد و لا يعرف كيف يختار اصدقاءه و يتوقع ان امه ستحل له مشاكله و تفتك حقه و تسير حياته كما فعلت في المدرسة.
الصغار يفدو يقلقو و برشة فيهم يكتب و لا يراجع ما كتبه.
عندنا مشكلة تدريب فالتلاميذ لا يتدربون على ظروف اجتياز المناظرة و في احيان كثيرة مجرد عطل في القلم او شعور بالخوف قد يؤذي الطفل و اكبر مشكل هي كيفية تقسيم وقت الامتحان و الاستفادة من نقاط القوة و تجنب بعض الاسئلة التي تضيع الوقت و توتر التلميذ. منظومتنا لا تكون تلميذا ذو مهارات بل تصنع تلميذا يساوي عددا و انا اكثر من يدرك ان العدد المتحصل عليه في امتحان قد لا يعكس مستوى التلميذ .
انا وليت نشري الكرطابة  مالفريب خاطرها سلعة مستوردة و عاشت برشة و بلاش فلوس ، و ديما كل حصة الكراطب اللكل تخرج البرة قدام القسم باش ما يقعدوش التلامذة يعسو عليهم و لاهين بنظافتهم و هاو مسلي الكرطابة و هاو دزلي الكرطابة و امي تضربني كان تمسخت الكرطابة ، راهي التلامذة ماعادش تنجم تقرا تعدي الحصة تعس على ستيلواتها و تعد فيهم و تعس على الكرطابة ، هذا موش مفيد للتلميذ.
الناس اللكل تعرف و متاكدة الي صغارها ممتازة و اصبحت مدمنة على المعدلات الخيالية و انا سابقا كنت ضد تجربة حذف المعدلات و لكن الان فانا ااحارب لعودتها لان العدد اصبح فخا حلو المذاق يغرق فيه الولي و ابنه و يعيشون حلما ورديا ينتهي في الثانوي ، و بالنسبة للي يحب يعرف مستوى ابنه فلامر سهل اطلب منه انجاز تمرين في تلك المادة فقط . صحيح نحن لن نحب ابناءكم اكثر منكم و ان اردتم وهم لمعدلات الخيالية فانتم احرار .
كيما كل التوانسة من حقنا شهرية باهية و حياة كريمة ربي يعاونك و تفهم انو الحياة الكريمة حق لكل مواطن و كي قرفنا نهير هذا اقل من جماعة المالية الي قرفو اكثر من شهر و جماعة البريد الي يقرفو بثلاثة ايام اما انتي الي قلقك موش امورك كي تعطلت اما وين تخلي ولدك و موش احنا رافضين نظام الساسيات الاولياء هوم الي يحتجو و المعلمين ماعاش عنهم الحق يقررو حتى شي خاص بخدمتهم خاطر الاولياء هوم الي ولاو يقررو اش يحبو في المرسة و كي المعلم قدرو يطيحهولو الولي قدام ولدو يستحيل ينجم يقريه و يستحيل يستفاد مالدرس و شكرا على تفهمك لظروفنا العيب موش فيك العيب في المعلم الي قراك و علمك كيفاش تكتب باش كي تكبر و تولي اب ترجع تسبوا