هل للمعلم حق الاضراب ?

ايجا اخدم في لاصتي نهار توة تعرف قيمة المعلم الي كنت ترعش منو و تفرح كي يلعب بشعرك و يقلك احسنت ولدي. تحكي على مستقبل ابنك كيفاش اذا ولدك ماعادش يسمع من المعلم خاطر شايف الي امو و بوه حاقرينو. دورنا نحن اخطر بكثير من دور الاولياء . و القراية اكبر من كثير من اقلام لماعة و ادوات مدرسية اصبحت للتباهي و التفاخر. اذا بالرسمي حاجتك بمستقبل ابنك طالب بحذف المواد الفنية و تحويلها لنوادي فنية و طالب بحذف المعدل لانه لا يفيد التلميذ في شي و لا يعكس مستواه . منظومة الكفايات راهي منظومة بلاش معدل . اما المعدلات عملوها باش يرضوكم خاطركم وليتو تحبو معدل منفوخ يجي قد الفلوس الي تشريو بيها في الادوات و الكرطابلة. موش مشكل اذا لم تفصح عن عملك و هل تضرب او لا و هل اضررت بمصالح الناس ام لا . المدرسة فقدت دورها عندما اصبح المعلم مجرد معلم يوصل المعلومة و لم يعد الاب الثاني الذي يعينكم على صقل شخصية ابنائكم.

شنية خدمتك خلي نعرفو اضربتو او لا و ماهي امتيازات وظيفتك . الطبيب لما يضرب حياة ابنك تكون في خطر . البريد لما يضرب ابنك يكون في خطر لانه سيجوع ان كانت اموالك هناك. مشكلة الترسيم مثل المدرسة الرقمية ايهام التونسيين و غيرهم اننا متطورون في حين اننا شعب متخلف لاننا لا ننتج شيئا . من حق كل موظف الطموح لحياة كريمة . و نحن في تونس عندنا مرض اسمه امتيازات متضخمة للموظفين و كيار الموظفين و الوزراء و غيرهم في بلد اصبح قائما على ضرائب الموظفين. سيتبخر يوما وهم التطور الذي نعيش فيه و سنستفيق مثلما استفاق غيرنا.